Ямдылалт ондак

Йӱкшем толеш игече койын,

Шыжа тылзат праваш пурен.

 Куван кеҥеж эртале шолып,

Комбат шогале пел йол ден.

Тыршат муаш вет тыгай годым

Чыла чонан да айдемат,

Пӧртлам да моло шокшо верым –

«Кузе-гынат илен лектат».

Пура тушкат, лач тидым шижын,

Юватылде нунын почеш,

Геройла оҥжым кадырталын

Тул лӱдыкшӧ - йолгалт пӧрдеш.

Да кычалеш муаш амалым:

«Кузе гын нуным когарташ?

Мончашке тулым пижыктащ,

Я пӧртым йӱлалтен колташ?»

Тидлан амалже ятыр уло:

Титакле тӱньыкым, коҥгам;

Тулвоштырат йылтак тоштемын –

Лиеш тудлан ышташ йолам.

 Кучен сеҥаш ты шучко вийым

 Тый ямдылалт эре ондак,

Ачале жапыштыже тидым,

Уке гын, пиж ышташ эрлак!

                             И. Тулпатыр

18.10.2018г.