Ит кодо…

Ит олто, коҥгашет ит олто –

Ярсен отыл, уло сомылет.

Ит олто, кочкашат ит шолто –

Эскерен воктенже тый от керт.

Ит кодо, нигунам ит кодо

Чӱктымек коҥгатым, ончалде,

Ит мондо, ончалаш ит мондо

Пытымеш йӱлалын, йылт кодде.

Ит пыште, коҥгашкет ит пыште,

Ылыжтен пуэтым касвелеш,

Ит шоно чыла сае тыште –

 Сорлыклен туллӱдыкшӧ кертеш.

Ит мондо, тӧрлашат ит мондо,

Эреак тый шого ачален:

Ит мондо, ошемдалын шынде,

Тӱньык шӱч деч тудым эрыктен.

Ок кондо, ойгымат ок кондо

Эскералын олтымо коҥга,

Ок мондо, кӧ тӧрлаш ок мондо –

Юмыжат аралтышым конда.

                          И.Тулпатыр (Огнеборец)

11.11.2019г.