Тау тылат, майор йолташ!

Кеҥеж моткоч кукшу да шокшо лийын,

Тӱҥалтыш кечынак туллӱдыкшым конден.

Шукем шарлен чодыраште тудо коштын:

Чоҥештылын кумдан тулйыпым шаркален.

Кеҥеж мучаш. Провой Шемъер посёлкыш

Чодрам йырваш пеш шучкын опкынлен,

Тултолкын шарлыш, орышо ты верыш

Кондаш кундемыш орлыкым вашкен.

Садлан кӱлеш улмаш моткоч содорын

Тулоптыш гыч чылаштым утараш.

          Пуэн элнан Эрма комиссии штабше

         Майор Шевнинлан сомылым шукташ.

Латкуд авто гыч погымо колонно

Тарваныш тушко, жап – вашкаш кӱлеш.

 Тунамже тудо чылтак пален огыл,

Шкаланже полышым йодман лиеш.

Каеныт, корным йомдарен кожлаште,

Кузе да куш колонным виктараш?

Возалтын кодын курымлан книгаште

Чодра пожар ден тудын вашпижмаш:

39 минутлан 2 шагат эртен:

Посёлкыш корным тулпырдыж авырен,

Кычал шӱч-вуйын, толашат муаш

Йолгорным тыште – садыгак лийшаш.

15 минут гыч ныл шагат шуэш:

Ок лий муаш йолгорным нигузе,

Майор содорын раций ден йодеш,

Ориентировкым кӱшыч рашемдаш.

Ныл шагатше кум минутлан эртыш:

Гришкан ял дек колонно толын шуын,

Кодеш Шемъерыш шукак огыл ынде,

Но ваштареш толеш виян тултолкын,

(Лишкат мияш огеш Лий тудын деке).

Ныл шагат латкум минутлан эртыш:

Уке вашкыл Шевнин ден раций гоч

Авиацийлан Эрма задачым шындыш –

Кычал муаш, кеч тый колашак воч.

Вич шагат латкум минутлан эртыш:

Колонным муын кычалын самолёт.

Кузе эше лиеш мияш поселкыш,

Кудалтыш вымпелым ончыктен пилот.

Шым шагат, жапат шуале касыш:

Шемъерыш полыш толын пурышат,

Командыжлан задачым тудо шындыш:

Пижаш тулшор гыч калыкым лукташ!.

Жап индеше эртыш пел шагатлан:

Тулшор поселкым чот туржын гынат,

Сеҥен лекташ пӱрен майор йолташлан

 Да утарен лукташ тышеч чылаштымат.

Провой кундем паша пӧлкан озажлан

майор милиций Владимир Шевнинлан

Элна пышталме надыржым аклен,

 Кӱкшӱ наградым тудлан кучыктен!

28.01.2019 г.