Олам азап деч утарен!

Йошкар-Ола. Вокзал деч мӱндыр огыл,

Торгмаш завод ден улшо ДОЗ воктен,

Варнен шем шикш тутан дене тулсавыш,

Темен олам, нефть база чот йӱлен.

Вара тулшор лач теҥыз толкын семын,

Кумдан шарлен рожгаш олам ваҥен.

Тӧчен йӧрташ тӱтанле шучко вийым

Содор нӧлталме чумыр гарнизон.

Сеҥен керташ моткочак йӧсӧ лийын –

  Тулан резервуарыш кӱзыман.

Кӱлеш улмаш лӱддегычын «тулподыш»

 Шон тулышо ӱзгарым кӱзыкташ,

Тултолкыным шоҥ дене пич леведын –

Тыге гына йӧртен лиеш керташ.

Но лектын йодыш: « Кӧм гын кӱзыкташ?

Вуча, чынак, лач икте, колымаш, -

Шонен Ухатов, ӧрын мом ышташ. –

Кӱлеш шканемак, очыни, кӱзаш».

Шиждегыч тудын деке куржын тольо

Тулпатыр чулым, ойлыш вигак, раш:

«Уке, те огыл, кузем мый шкетын тушко,

Йодам вӱд дене мыйым чывылаш».

Кӱлеш ӱзгарым писын нале кидыш,

 Шикш-тул когарым шотышко налде,

 Кӱзен кудалтыш орышо «тулподыш»

Шоҥ ден леведын йӧрыктыш лӱдде.

Тыге геройла кодыш башкир рвезе

Йошкар-Олам тулшор деч арален.

Марла, чынак, арун мутланыше полмезе

Марий кундемым чотак йӧратен.

Векат садлан тиддечын кок ий ончыч,

Кунам чодрам тултолкын авалтен,

Геройла шогыш Яшка Ямиданыч

Сурок посёлкым тул деч арален.

Да кок гана элнаже аклыш кӱкшын-

«тулсар-герой» медальым кучыктен.

Тачат шарнат тыгай тулсар талешкым

Тулсорлык службын ветеранже -влак.

Тоштерын рӱдӧ стендыщкыже луктын,

Пышталме надыржым кӱкшӱн аклат!

3 января 2019г. Уий пайрем.