Серёжа мӧҥгыжӧ вашкен…

Урок пытен, ик шыже кечын

Серёжа мӧҥгыжӧ вашкен.

Пален, вучат шӱжарышт тудым,

Тунемын толмым чон чӱчкен.

Портфельжым тупыш писын нале,

Шарна: «Кӱлеш вашкаш садак»,

Моланжым тудо шкат ок пале –

Шӱм-чонжо вургыжын пешак.

Капкашке пурымыжо годым

Шинчам портвуйыш нӧлталят,

Шикш лекмым ужын трук ӧрмалгыш:

«Тул орлык толын тыш векат».

Содорын тӧрштыш пӧрт омсашке

Шке нӧргӧ вийжым погалтен.

Пален, лач кушко нуно шылыт,

Шӱжарышт: Таня Аня ден.

Шикш толкын шыдыжым пӱргале,

Пӧлем омсажым рошт почмек:

Йочан логаржым петырале –

Шӱлаш ок лий – тулшикш кочет.

Но ӧрын, лӱдынат ыш шого,

Яндар южшӱлышым налмек,

Пӧрт кӧргыш пурыш - кычал муын,

Шупшаш тӱҥале омса дек.

Уке, утлаш огеш лий йӧршын-

Лукташ тыш толмо корно ден.

Рожгаш тӱҥалын уло пӧртым

Тултолкын, корным петырен.

Тунамак лекте шоныш тудын:

«Лиеш лекташ эше окнаш!»

Яндам шалатыш чара кидын

Тӱҥале нуным утараш.

Аня шӱжаржым шупшын кондыш,

Янакыш шындыш эҥертен.

Да нушкын весыжлан тарваныш –

Тулеш вӱрвузык эмганен.

Тыгодым ажыше тултолкын

Авалтыш пӧртым чот рожген.

Таняжымат Сергей окнашке

Вераҥдыш вӱдылын конден.

Вара содор окна гыч тӧрштыш,

Руалтыш иктым, весымат.

Кораҥын ӧрдыжкӧ пӧрт дечын,

Шонен: тулсорлык деч утлат.

Уке, ок лий, шоген чарак:

Кӱкшӱ песте чылт пӧрт йырак.

 Но пиалешлан шуо толын

Полыш калык деч тудлан:

Песте ӱмбачын кидыш налын,

Кусарышт нуным медиклан.

Вара тудлан Совет элнаже

Кӱкшӱ наградым кучыктен:

«Тулсар-герой» лӱман медальже

Сергейын оҥжым волгалтен!