Сулыкан тулазап


Тольо ик ялышке акырсаман –

Лекте айдеме чот шакше чонан,

Пӧрт еда савырныш ӱчым ыштен,

Тӱрлӧ азапым оралтыш конден:

Кочкышыш шолып аярым оптен,

Сурткайыкым,вольыкым йышт пуштеден,

Але оралтышкышт шыдыже ден

Ӱчым ыштен эше тулым чыкен…

Но юмыжо ужын, осалым сеҥен,

Шакше пашажым мӧҥгеш пӧртылтен:

Чумыр сурт-печыже вольыкшо ден

Ломыжыш савырныш шыже кастен.

Шарна ыле ойым, лиеш гын ушан:

Кажне тӱҥалтыш улеш мучашан,

«Вынемым кӱнчаш весылан тый ит тошт,

Шкак верештат ты вынемышке рошт».

 18.11.2020г. И.Тулпатыр.