У ИЙ пайремысе тулсорлык сомыл шарныктыш (Памятка).

Чеслын ӱпшалтын, моткоч куанен,

Вашка кундемнашке «У Ий»-еш пайрем.

Чот ямдылалтын шогат чыланат.

Чытамсыр вучат изижат-кугужат!

Тиде пайремым ласкан эртараш,

Туллӱдыкшым чылтак кӱлеш кораҥдаш.

Кӱштымо сомылым правил почеш,

Шокшым кергалын тӧрлашак кӱлеш!

Кожым шогалте чотак кучыктен,

Коҥга да камин деч(ын) ӧрдыжтарен.

Ынышт верлане пич тудын воктен

Тул тулышо моло ӱзгар, лӱдыктен.

Ток дене чӱктымӧ тӱрлӧ гирлянде

Заводышто ыштыме лийже-стандарт.

Кож сӧрастарыме иллюминацийже –

Палемдыш печать дене – сертификат.

Тиде пайремысе тӱҥ персонажын,

Тыгак маскарадыште пӧртшыжынат

Лийже аралтыш состав дене йӱктымӧ

Вургем – йӧнештарыме, сывын шотат.

Кож воктекетше верланыме годым,

Чӱкташ бенгал тулым чылтак ида тошт.

Пайрем кумылдам волташ огыл манын

Шыжалтше тулйыпым рӱзен ида кошт.

Пале, ты сомылым тӱрыс тӧрлет,

Эрта куан дене У ий пайремет.

14.12.2018г.

                                    И.Тулпатыр


Контакты

101 и 112, со стационарного - 01
Единый телефон пожарных и спасателей
(8362) 69-02-72
Телефон приемной
8 (8362) 69-02-63
Единый «телефон доверия»
gu@12.mchs.gov.ru
(не для подачи обращений граждан)