Руш кугыжан куштымыжо (историй гыч).


 Руш кугыжа Чарласе воеводлан

Ныл курым ончычак кӱштен:

Элнажын службышто шогаш ӱшанлын,

Тулсорлык сомылым тӧрлен.

Чарен ондак коҥгаш олташ кеҥежым,

Мончаште, пӧртыштӧ пу ден.

Темлен ышташ кеҥежлан угыч кудым,

Кочкаш шолташ йӧнештарен.

Туштак пышташ лиеш улмаш у киндым,

Йоча мушкашлан вӱд шолташ.

Пайрем да лӱмлӧ кече лийме годым,

Сортам чӱкталын кумалаш.

Пӧртан еда кӱлеш кучаш вӱдвочкым

Ару вӱд дене темалтен.

Тыгак ведра, пагор, ошма да моло

Лийшаш улмаш эре пелен.

Кеч ятыр жап гынат тидлан эрталын,

Мыняр ганат Чарла йӱлен.

Тачат улеш пеш кӱлешан ты йодыш

Да шогыман тыгак тӧрлен.

                                                   23.10.2018 г.