Опто коҥгатым мастарын…

Опто коҥгатым мастарын,

 Улат гын уста коҥгаеҥ:

Кучыжо шокшым,

                   пукшыжо тамлын,

Эмлыже капым

                     Чонет луштарен.

Ынже лий лӱдыкшӧ тудо –

Кышкыше тулым шала,

Оптымо лийын

                    начарын гын кудо,

Азапышке вигак

                     чыла савыра.

Негызым пыште ӱшанлын,

Пеҥгыдын кертше кучен,

Ынже шалане

                Тайналт шелышталтын,

 Тул лончо гыч лектын

                            кертеш ылыжтен.

Ончычын тидым палемде,

Кушко коҥгам вераҥдаш:

Ынже лий лишне,

                      Пырдыж воктене,

Тыгак коҥга аҥыш

                            калайым пышташ.

Тӱньыкым нӧлтымӧ годым

Мошто туврашым эртен:

  Торо шикш корно деч

                            улшо туврашым,

Тӱньыкын лопкытшым

                                 утыр шарен.

Кермычым опто тый

                        вичкыж лапаш ден,

Кошто коҥгатым

                        Изиш ден олтен,

Тӱньыкым ыште

                        шун дене леведын,

Вара итак мондо

                        Шындаш ошемден.

Чоҥо коҥгатым мастарын,

Улат гын уста коҥгаеҥ,

Орлыкым кондышо

                       Шучко тулшорым

Тунам кертына

                        Ме пырля сорлыклен!

Ты сомыл ышташ

                         шотетше уке гын,

Тек тидым чоҥа

                         Вес уста мастареҥ!

13.12.20г. И. Тулпатыр