«3 кутышан (пулышан) тошкалтыш профессор». («Профессор трехколенки»)
Пошкудо вел чуваш талешке
Тулсорлык спорт дене мемнан
Марий кундемым Россий кӱшкӧ
Нӧлтале чот: тау тудлан!
Йошкар-Оласе школ учитель
Физра предметым туныктен.
Вара Ухатов Виктор тудым
Тулсорлык службышко конден.
Эн ончыч шкенжым чот шуарыш
Тулсорлык спортышко куснен,
Тунамак рвезе-влакым погыш
Кап-кыл тазалыкыштым терген.
Палемдыш кажныжым ончен,
Могай тулспорт толеш келшен:
Кӧлан тошкалтыш ден кӱзен,
Керташ айдемым утарен,
Кӧлан чарак гочын тӧрштен
Йӧрташ тултолкыным моштен…
Сӱретлыш иктыштлан чертежым
Кузе тошкалтыш ден кӱзаш,
Мыняр гана кӱлеш тошкалын
Учебный башне дек мияш.
Тудлан эше кӱлеш улмаш
Тошкалме кутышым палаш.
Вара тӱҥале нунын ден
Нӧлташ мастарлыкым тӧрлен.
Тыге вияҥыч эркын-эркын,
Тарванышт зонышко лекташ,
У кӱкшыт кушмо результатым
Тӱҥальыч нуно ончыкташ.
Эн ончыч тольо сеҥымаш:
Пож.башньым штурм дене налмаш.–
Вара Союзышко нӧлтале
Уфа ола таҥасымаш!
Тылеч вара тыршаш логале
Российын честьшым аралаш.
Кум кутышан тошкалтыш дене
Тӱҥальыч сеҥышыш лекташ.
Рекордым шындышт союзлан
Сидельников ден Жужгов,
Вашталтышт нуным ятырлан
Мингазов ден Богатырев,
А чемпионым куштымылан
Медальым пуышт тренерлан.
Тылеч вара лӱмдаш тӱҥальыч
Мемнан пагалыме еҥнам –
«Профессор трёхколенки» маньыч
Москосо генерал-влакна,
Да ӱшанен тудланже пуышт
Элнан командым шуараш,
Россиийын спортым чапландарыш –
У кӱкшыт тольо – сеҥымаш!
Пошкудо вел чуваш талешке
Тӱнясе кӱкшытыш нӧлтен:
Кум кутышан тошкалтыш дене
России элнам чапландарен,
Онар кундем тулсорлык спортыш
Суапле надырым пыштен.
