Алашатым тӧрлӧ «Любишь кататься, люби и саночки возить»

Машинат ден кошташ йӧратет гын

 Итак мондо жап дене тӧрлаш,

Ынде пагыт тугай толын шуын,

Тулазапше куснен машинаш.

Ылыжеш «алаша» шогымаште,

Шагал огыл йӱлат корныштат,

Очыни колыда уверлаште

Тушанак озашт вуйым пыштат.

 Тӧрлен отыл гын жапыште лачым,

«Шӱм кыдеж» эн ондак ылыжеш,

Поктенат «алашатым» гын утым

Тулоргаж лач тушечын лектеш.

Я тулвоштыр жап дене шелшталтын,

Да тулйыпым трук луктын кертеш,

Кочкышпучшо лушкен рудылалтын

Туллан корным шаралын почеш.

Конда ятыр гана тулазапым

 Тылеч моло шала койышат,

 Улшо тӱрлӧ ӱзгарым, тамакым

 Эскерен огыт шого, мондат.

Машинат ден кошташ йӧратет гын,

Итак мондо тый тудым тӧрлаш,

А кунам тулазап эҥерта гын,

Кидйымалне тулйӧртыш лийшаш.

 Да тидлан ончылгочак тунемын

Кӱлеш тудым моштен кучылташ.

 14.03.21 г. И.Тулпатыр